کرنول: اقامتی جونیئرکالجس میں داخلوں کے لئے درخواستیں مطلوب

کرنول21؍مئی(اعتمادنیوز)ضلع کنوینرایس ای کملاکماری کے بموجب ضلعی سطح پرآندھراپردیش اسٹیٹ اقامتی جونیئر کالجس میں انٹرمیڈیٹ سال اول میں داخلے کے خواہشمندطلبہ سے درخواستیں مطلوب ہیں۔انہوں نے بتایاکہ خواہشمندطلبہ وطالبات قریبی اقامتی کالجس یاویب سائٹ www.swrs.ap.gov.inسے درخواستیں حاصل کرسکتے ہیں،پرکردہ درخواست فارمس 2؍جون تک متعلقہ کونسلنگ مراکزپرداخل کریں۔تأخیرسے موصول ہونے والی درخواستیں قابل قبول نہیں ہوں گی،6؍جون کوکونسلنگ منعقد کی جائے گی۔ضلع میں طالبات (سائنس کے لئے) آلہ گڈا(آرپی



آرسی)،کوویلاکنٹلا،ڈون،پتی کنڈا،ویلدرتی ،ادھونی اورآرٹس کے لئے دنے ویوراپاڑواورکنبالاپاڑوداخلے دئے جائیں گے۔جبکہ لڑکوں کے لئے( سائنس کے لئے) سی بلگل ،زوپاڑبنگلا اورآرٹس کے لئے اری کیرا(آلورو)میں داخلے دئے جائیں گے۔انہوں نے بتایاکہ چناٹیکورمیں لڑکوں کے لئے اوردنے دیوراپارو(بی کیمپ )میں لڑکیوں کے لئے کونسلنگ منعقد کی جائے گی۔ایس سی سے تعلق رکھنے والے تمام طلبہ مستحق ہوں گے۔انہوں نے مزیدبتایاکہ صرف ایس ٹی،بی سی،بی سی۔سی،اوسی طبقات کے لئے مخصوص کردہ نشستیں ہی سوشیل ویلفیراقامتی کالجس میں داخلے لیتے ہوئے دارالاقامہ میں رہ سکتے ہیں ۔